Salam Ya Hussain -- Uzma Zohra -- Bangbox Online
2023-07-27 11:04:11 - Bang Box Online
جل گیا گلشن سرِ دشتِ بلا شبیرؑ کا
تشنہ لب کنبہ ہوا محوِ بکا شبیرؑ کا
گونجتی ہیں آج بھی تیری اذانیں اے خدا
کٹ گیا لیکن تہہِ خنجر گلا شبیرؑ کا
کھینچنے کو ہوں علی اکبرؑ کے سینے سے سناں
صبر آکر دیکھئے مشکل کشاؑ شبیرؑ کا
قاسمِؑ خستہ جگر کے جس گھڑی ٹکڑے چنے
ہاتھ اک گٹھری پہ دوجا دل پہ تھا شبیرؑ کا
رو رہیں ہیں زینبِ کبریٰؑ مگر آنسو نہیں
اب نظر کے سامنے ہے معرکہ شبیرؑ کا
دخترِ سرورؑ پہ عظمؔیٰ ہے قیامت کی گھڑی
اب کہاں سینہ اسے مل پائے گا شبیرؑ کا
Follow us on:
Platform: https://www.bangboxonline.com/
Facebook: https://www.facebook.com/bangboxonline/