Salam Ya Hussain -- Mohsin Naqvi -- Bangbox Online
2023-07-25 18:04:19 - Bang Box Online
لُٹ کے آباد ہے اب تک جو وہ گھر کس کا ہے
سب سے اونچا ہے جو کٹ کر بھی وہ سر کس کا ہے
ظلم شبیر کی ہیبت سے نہ لرزے کیوں کر،
کس نبی کا ہے نواسا اور پسر کس کا ہے
کس نے مقتل کی زمیں چھُو کر معلی کر دی
پوچھنا کرب و بلا سے یہ ہنر کس کا ہے۔
کس کی ہجرت کے تسلسل سے شریعت ہے رواں
قافلہ آج تلک شہر بدر کس کا ہے۔
تخت والوں نے مؤرخ بھی خریدے ہوں گے
ذکر دنیا میں مگر شام و سحر کس کا ہے۔
لاش ِ اکبر پہ قضا سوچ رہی ہے اب تک
جس میں ٹو ٹی ہے یہ برچھی وہ جگر کس کا ہے۔
ہاتھ اُٹھاتا ہوں تو ایوانِ ستم کانپتے ہیں
سوچتا ہوں میرے ماتم میں اثر کس کا ہے۔
جس کی حد ملتی ہے جنت کی حدوں سے محسن
جز حسین ابن ِعلی اورسفر کس کا ہے۔
Follow us on: Platform: https://www.bangboxonline.com/ Facebook: https://www.facebook.com/bangboxonline/ Instagram: https://www.instagram.com/bangboxonline/?hl=en YouTube: https://www.youtube.com/@bangboxonlineofficial