Salam Ya Hussain -- Iftikhar Arif -- Bangbox Online
2023-07-27 13:50:47 - Bang Box Online
دلیل بیعتِ فاسق روا رکّھی گئی تھی
مدینے میں بِنائے کربلا رکّھی گئی تھی
حسینؑ آغوشِ پیغمبرؐ میں جب لائے گئے تھے
وہیں بنیادِ تہذیبِ عزا رکّھی گئی تھی
حضورِ سرورِ کونینؐ جب محضر ہُوا پیش
زمینِ کربلا سب سے جدا رکّھی گئی تھی
مِنا کا خواب پورا ہو رہا تھا کربلا میں
یہ قربانی اسی دن پر اٹھا رکّھی گئی تھی
زمیں سے آسماں تک نور تھا، بس نور ہی نور
چراغوں کے مقابل جب ہوا رکھی گئی تھی
بہت مشکل مراحل آ پڑے تھے راستے میں
سو زادِ راہ میں خاکِ شفا رکھی گئی تھی
حسینؑ اوفی بعہدک کہہ رہے تھے وقتِ آخر
کہیں میثاق میں شرطِ وفا رکّھی گئی تھی
Follow us on:
Platform: https://www.bangboxonline.com/
Facebook: https://www.facebook.com/bangboxonline/