مُجْتَمَعٌ يَتَسَامَى بِالأَخْلَاقِ وَالعَطَاءِ : اخلاق اور فیاضی سے سربلند معاشرہ۔

Al Quran is the final Holy Book revealed upon the Last of Prophets Hazrat Muhammad (PBUH). The Quran & Sunnah is the only source of holy guidance as it entails detailed instructions for each and every walk of human life. Here guidance from Quran for the followers of Islam (مُجْتَمَعٌ يَتَسَامَى بِالأَخْلَاقِ وَالعَطَاءِ : اخلاق اور فیاضی سے سربلند معاشرہ۔) is discussed wrt the elevation of a society through moral and generous behaviour for better living from Quran and Hadith of Prophet ﷺ. This is an approved Jumma Khutba from the Sultanate of Oman and translated in Urdu.

أَعُوذُ بِاللّٰهِ مِنَ الشَّيْطَانِ الرَّجِيمِ

بِسۡمِ ٱللهِ ٱلرَّحۡمَـٰنِ ٱلرَّحِيمِ

اللہ کے نام سے شروع جو بڑا مہربان نہایت رحم کرنے والا ہے

مُجْتَمَعٌ يَتَسَامَى بِالأَخْلَاقِ وَالعَطَاءِ

اخلاق اور فیاضی سے سربلند معاشرہ۔

الحَمْدُ لِلَّهِ الَّذِي زَيَّنَ الْإِنْسَانَ بِمَكَارِمِ الْأَخْلَاقِ وَالْإِحْسَانِ، وَجَعَلَ التَّفَاضُلَ بَيْنَ عِبَادِهِ بِسُمُوِّ الْقِيَمِ وَصَالِحِ الْأَعْمَالِ، وَنَشْهَدُ أَنْ لَا إِلَهَ إِلَّا اللَّهُ وَحْدَهُ لَا شَرِيكَ لَهُ، هَدَى عِبَادَهُ إِلَى مَعَالِي الْأُمُورِ لِيَسْلُكُوا سُبُلَ الارْتِقَاءِ وَالرَّشَادِ، وَنَشْهَدُ أَنَّ سَيِّدَنَا وَنَبِيَّنَا مُحَمَّدًا عَبْدُ اللَّهِ وَرَسُولُهُ، رَبَّى النُّفُوسَ عَلَى الْفَضِيلَةِ، وَبَنَى مُجْتَمَعًا أَشْرَقَ بِالْهِدَايَةِ، صَلَّى اللَّهُ عَلَيْهِ وَعَلَى آلِهِ وَصَحْبِهِ وَمَنْ سَارَ عَلَى نَهْجِهِ إِلَى يَوْمِ الدِّينِ

أَمَّا بَعْدُ، فاعوذ باللہ من الشیطان الرجیم- بسم اللہ الرحمن الرحیم

إِنَّ ٱللَّهَ يَأۡمُرُ بِٱلۡعَدۡلِ وَٱلۡإِحۡسَـٰنِ وَإِيتَآىِٕ ذِى ٱلۡقُرۡبَىٰ وَيَنۡهَىٰ عَنِ ٱلۡفَحۡشَآءِ وَٱلۡمُنڪَرِ وَٱلۡبَغۡىِ‌ۚ يَعِظُكُمۡ لَعَلَّڪُمۡ تَذَكَّرُونَ (٩٠) وَأَوۡفُواْ بِعَهۡدِ ٱللَّهِ إِذَا عَـٰهَدتُّمۡ وَلَا تَنقُضُواْ ٱلۡأَيۡمَـٰنَ بَعۡدَ تَوۡڪِيدِهَا وَقَدۡ جَعَلۡتُمُ ٱللَّهَ عَلَيۡڪُمۡ كَفِيلاً‌ۚ إِنَّ ٱللَّهَ يَعۡلَمُ مَا تَفۡعَلُونَ (٩١) وَلَا تَكُونُواْ كَٱلَّتِى نَقَضَتۡ غَزۡلَهَا مِنۢ بَعۡدِ قُوَّةٍ أَنڪَـٰثً۬ا تَتَّخِذُونَ أَيۡمَـٰنَكُمۡ دَخَلاَۢ بَيۡنَكُمۡ أَن تَكُونَ أُمَّةٌ هِىَ أَرۡبَىٰ مِنۡ أُمَّةٍ‌ۚ إِنَّمَا يَبۡلُوڪُمُ ٱللَّهُ بِهِۦ‌ۚ وَلَيُبَيِّنَنَّ لَكُمۡ يَوۡمَ ٱلۡقِيَـٰمَةِ مَا كُنتُمۡ فِيهِ تَخۡتَلِفُونَ (٩٢) وَلَوۡ شَآءَ ٱللَّهُ لَجَعَلَڪُمۡ أُمَّةً۬ وَٲحِدَةً۬ وَلَـٰكِن يُضِلُّ مَن يَشَآءُ وَيَهۡدِى مَن يَشَآءُ‌ۚ وَلَتُسۡـَٔلُنَّ عَمَّا كُنتُمۡ تَعۡمَلُونَ

Surah An Nahl – 90-93

رَبِّ ٱشۡرَحۡ لِى صَدۡرِى- وَيَسِّرۡ لِىٓ أَمۡرِى- وَٱحۡلُلۡ عُقۡدَةً۬ مِّن لِّسَانِى- يَفۡقَهُواْ قَوۡلِى- آمین ثم آمین

Surah Taha – 25-28

تمام تعریفیں اللہ کے لیے ہیں جس نے انسانیت کو عمدہ اخلاق اور حسنِ سلوک سے آراستہ کیا، اور اپنے بندوں کے درمیان اقدار کی بلندی اور نیک اعمال کی بنیاد پر امتیاز قائم کیا۔ ہم گواہی دیتے ہیں کہ اللہ کے سوا کوئی معبودِ برحق نہیں، وہ یکتا ہے اور اس کا کوئی شریک نہیں؛ اس نے اپنے بندوں کی عمدہ مقاصد کی جانب رہنمائی فرمائی تاکہ وہ ترقی اور ہدایت کی راہوں پر گامزن ہو سکیں۔ ہم یہ بھی گواہی دیتے ہیں کہ ہمارے آقا اور نبی، محمد (صلی اللہ علیہ وآلہ وسلم) اللہ کے بندے اور اس کے رسول ہیں؛ آپؐ نے نفوس میں نیکی کی آبیاری کی اور ہدایت کی روشنی سے منور معاشرہ تشکیل دیا۔ اللہ تعالیٰ کی رحمتیں اور سلامتی ہو آپؐ پر، آپؐ کی آل پر، آپؐ کے صحابہ پر اور ان تمام لوگوں پر جو قیامت کے دن تک آپؐ کے راستے کی پیروی کرتے رہیں. تلاوت کی گئیں، سُوۡرَةُ النّحل کی آیات کا ترجمہ ہے

بے شک الله انصاف کرنے کا اوربھلائی کرنے کا اور رشتہ داروں کو دینے کا حکم کرتا ہے اوربے حیائی اوربری بات اور ظلم سے منع کرتا ہے تمہیں سمجھاتا ہے تاکہ تم سمجھو (۹۰) اور الله کا عہد پورا کرو جب آپس میں عہد کرو اور قسموں کو پکاکرنے کے بعد نہ توڑو حالانکہ تم نے الله کو اپنے اوپر گواہ بنا یا ہے بے شک الله جانتا ہے جو تم کرتے ہو (۹۱) اور اُس عورت جیسے نہ بنو جواپنا سوت محنت کے بعد کاٹ کر توڑ ڈالے کہ تم اپنی قسموں کو آپس میں فساد کا ذریعہ بنانے لگو محض اس لیے کہ ایک گروہ دوسرے گروہ سے بڑھ جائے الله اس میں تمہاری آزمائش کرتا ہے اور جس چیز میں تم اختلاف کرتے ہو الله اسے ضرور قیامت کے دن ظاہر کردے گا (۹۲) اور اگر الله چاہتا تو تم سب کو ایک ہی جماعت بنا دیتا اورلیکن وہ جسے چاہتا ہے گمراہی میں پڑا رہنے دیتا ہے اور جسے چاہتاہے ہدایت دیتا ہے اور البتہ تم سے پوچھا جائے گا کہ کیا کرتےتھے

Surah An Nahl – 90-93

اے اللہ کے بندو، اللہ سے ڈرو- تقویٰ اختیار کرو اور اللہ کی اطاعت کرو آگے بڑھتے ہوئے: میں آپ کو — اور خود اپنے آپ کو بھی، اللہ تعالیٰ سے ڈرنے کی نصیحت کرتا ہوں۔ کیونکہ تقویٰ ہی بلند عزائم کو پروان چڑھاتا ہے، روح کو پاکیزہ بناتا ہے اور انسان کی رہنمائی نیک اور اعلیٰ مقاصد کی جانب کرتا ہے؛ اسی کے ذریعے انسان کے کردار فکر اور عمل میں بلندی آتی ہے۔ اللہ تعالیٰ نے سورہ البقرہ میں فرمایا ہے

وَٱتَّقُواْ ٱللَّهَ‌ۖ وَيُعَلِّمُڪُمُ ٱللَّهُ‌ۗ

اور الله سے ڈرو اور الله تمہیں سکھاتا ہے

Surah Al Baqara – 282-Part

جان لیجیے — اللہ آپ پر رحم فرمائے — کہ اللہ تعالیٰ نے انسان کو عقل سے نوازا، اسے ایمان سے آراستہ کیا اور اس کے لیے انسانی کمال کے درجات طے کرنے کے راستے کھول دیے۔ چنانچہ اسلام کا پیغام ایک ایسے انسان کی تعمیر کے لیے آیا جو فکر و نظر، کردار، تعلقات اور اعمال کے اعتبار سے بلندیوں کی طرف گامزن ہو اور تعمیر، خیر اور اصلاح کا ذریعہ بن جائے۔ اللہ تعالیٰ کا سورہ والتین میں ارشاد ہے

لَقَدۡ خَلَقۡنَا ٱلۡإِنسَـٰنَ فِىٓ أَحۡسَنِ تَقۡوِيمٍ۬

بے شک ہم نے انسان کو بڑے عمدہ انداز میں پیدا کیا ہے

Surah At Tin – 4

یہ ایک ایسا اعزاز ہے جو شکر گزاری کا متقاضی ہے، اور ایک ایسا مقام ہے جو اس کے شایانِ شان اعلیٰ کردار اور نیک اعمال کے لیے مخلصانہ جدوجہد کا تقاضا کرتا ہے۔

اے مسلمانو! معاشروں کے عروج اور بلندی کا سب سے اہم ذریعہ تزکیۂ نفس اور کردار کی بلندی ہے۔ کسی معاشرے کی ترقی کا انحصار اسی بات پر ہوتا ہے کہ اس کے افراد میں کن اقدار کو پروان چڑھایا گیا ہے اور ان کے درمیان سچائی، امانت داری اور خیر خواہی کا کتنا فروغ ہے۔ چنانچہ اسلام کا پیغام اسی لیے آیا تاکہ نفوس کا تزکیہ کرے جذبات کو بلندی عطا کرے اور طرزِ عمل کو سنوارے؛ یہاں تک کہ نیکی انسان کی فطرتِ ثانیہ بن جائے، فضیلت طرزِ زندگی کا حصہ ٹھہرے اور راست بازی ہی وہ راہ بن جائے جسے اختیار کیا جائے۔ سورہ النور میں ارشاد ربانی ہے

قُل لِّلۡمُؤۡمِنِينَ يَغُضُّواْ مِنۡ أَبۡصَـٰرِهِمۡ وَيَحۡفَظُواْ فُرُوجَهُمۡ‌ۚ ذَٲلِكَ أَزۡكَىٰ لَهُمۡ‌ۗ

ایمان والوں سے کہہ دو کہ وہ اپنی نگاہ نیچی رکھا کریں اور اپنی شرم گاہوں کو بھی محفوظ رکھیں یہ ان کے لیے بہت پاکیزہ ہے

Surah Al Noor – 30

اسی لیے قرآنِ کریم ایسی اعلیٰ مثالیں پیش کرتا ہے جو حقیقی زندگی میں ان تصورات کی عکاسی کرتی ہیں—جیسے حضرت موسیٰ (علیہ السلام) کا واقعہ، جب ان دو خواتین میں سے ایک نے حیا کے ساتھ چلتے ہوئے آ کر ان کے حق میں گواہی دی اور کہا جسے سورہ القصص میں بیان فرمایا

إِنَّ خَيۡرَ مَنِ ٱسۡتَـٔۡجَرۡتَ ٱلۡقَوِىُّ ٱلۡأَمِينُ

کیوں کہ اچھا نوکر وہ شخص ہے جو مضبوط (ہو اور) امانت دار (بھی) ہو۔

Surah Al Qasas – 26

اس منظر میں، قرآنِ کریم حیا، امانت داری اور قوت کو یکجا کرتا ہے؛ یہ وہ اقدار ہیں جو اعتماد پیدا کرتی ہیں، وقار کو برقرار رکھتی ہیں اور معاشرے میں محبت و رحمت کو فروغ دیتی ہیں، اور یوں ترقی و پیش رفت کی جانب ابتدائی قدم اٹھاتی ہیں۔

اے ایمان والو! اگر اخلاق انسان کو بلندی عطا کرتے اور اس کے کردار کو سنوارتے ہیں، تو ’بصیرت و آگہی زندگی کے بارے میں اس کے نقطہ نظر اور رویے کو رفعت بخشتی ہے۔ جو معاشرہ سطحی اور معمولی معاملات سے بلند ہو کر سوچتا ہے، وہ نہ تو افواہوں کے پیچھے چلتا ہے اور نہ ہی وقتی جذبات کی رو میں بہہ جاتا ہے؛ بلکہ وہ اپنے فیصلوں کی بنیاد علم پر رکھتا ہے، معاملات کو حکمت و دانائی کی میزان میں تولتا ہے، اور کسی بھی بات کو کہنے فیصلہ کرنے یا کوئی خبر آگے پہنچانے سے پہلے حقائق کی تصدیق کرتا ہے۔ اسی لیے قرآنِ کریم عقل و فہم کو بروئے کار لانے اور غور و فکر کرنے کی دعوت دیتا ہے؛ چنانچہ اللہ تعالیٰ کا سورہ النساء میں ارشاد ہے

أَفَلَا يَتَدَبَّرُونَ ٱلۡقُرۡءَانَ ……………. وَقَالَ جَلَّ شَأْنُهُ…….. فَتَبَيَّنُوٓاْ

کیا یہ لوگ قرآن میں غور نہیں کرتے……. اور اُس نے — بلند و بالا ہے اُس کی شان —نے سورہ الحجرات میں فرمایا…… تحقیق کیا کرو

Surah An Nisa – 82-Part & Surah Al Hujraat – 6-Part

نبی کریم ﷺ نے خبریں آگے پہنچانے میں جلد بازی سے بھی خبردار کیا اور فرمایا: "انسان کے جھوٹا ہونے کے لیے یہی کافی ہے کہ وہ ہر سنی سنائی بات بیان کر دے۔" ایک لفظ تعمیر بھی کر سکتا ہے اور تباہی بھی؛ ایک لفظ کسی قوم کو بیدار کر سکتا ہے تو دوسرا فتنہ و فساد بھڑکا سکتا ہے، اور ایک خبر کسی فیصلے کا رخ یا کسی انسان کی تقدیر بدل سکتی ہے۔ حقیقی آگاہی ہی وہ شے ہے جو بے شمار آوازوں اور مختلف اثرات کے ہجوم کے درمیان انسان کی بصیرت کو محفوظ رکھتی ہے۔ جب ذہن علم و حکمت سے منور اور یقین و بصیرت سے مستحکم ہو، تو انسان فیصلے کرنے کی بہتر صلاحیت کا حامل ہوتا ہے اور اپنے معاشرے میں ہدایت و اصلاح کا ذریعہ بننے کے زیادہ قریب ہو جاتا ہے۔

پس اللہ سے ڈرو—اے اللہ کے بندو!—اور اپنے عزم و ہمت کو بلند اور عالی مقاصد سے وابستہ کرو۔ سچائی، امانت داری اور حیا کے ذریعے اپنے کردار کو سنوارو اور علم، حکمت اور بصیرت سے اپنے اذہان کو منور کرو؛ کیونکہ معاشرے اپنے لوگوں کے بلند عزائم ہی سے ترقی کرتے اور اپنی اقدار کی بلندی کے باعث ہی پھلتے پھولتے ہیں، اور ان کی بنیادیں اس وقت مضبوط ہوتی ہیں جب ان میں کردار کی پاکیزگی اور فکر و نظر کی پختگی یکجا ہو جاتی ہے۔

أقولُ مَا تَسْمَعُونَ، وَأَسْتَغْفِرُ اللهَ العَظِيمَ لِي وَلَكُمْ، فَاسْتَغْفِرُوهُ يَغْفِرْ لَكُمْ، إِنَّهُ هُوَ الغَفُورُالرَّحِيمُ، وَادْعُوهُ يَسْتَجِبْ لَكُمْ، إِنَّهُ هُوَ البَرُّ الكَرِيمُ

یہ کہو میں اللہ تعالیٰ سے اپنے اور آپ کے لیے بخشش مانگتا ہوں پس اس سے معافی مانگو وہ تمہیں بخش دے گا۔ وہ بخشنے والا مہربان ہے۔ اور اُسے پکارو تو وہ تمہاری بات کا جواب دے گا کیونکہ وہ سخی راستبازی ہے۔

الحَمْدُ لِلَّهِ الَّذِي جَعَلَ الْإِحْسَانَ وَالْإِتْقَانَ عُنْوَانَ الْفَلَاحِ، وَرَفَعَ بِهِمَا دَرَجَاتِ الْعَامِلِينَ، وَأَشْهَدُ أَنْ لَا إِلَهَ إِلَّا اللَّهُ وَحْدَهُ لَا شَرِيكَ لَهُ، خَلَقَ الْخَلْقَ لِيَبْلُوَهُمْ أَيُّهُمْ أَحْسَنُ عَمَلًا، وَأَشْهَدُ أَنَّ سَيِّدَنَا وَنَبِيَّنَا مُحَمَّدًا عَبْدُهُ وَرَسُولُهُ، غَرَسَ فِي أُمَّتِهِ رُوحَ الْبِنَاءِ وَالْعَطَاءِ، صَلَّى اللَّهُ عَلَيْهِ وَعَلَى آلِهِ أَهْلِ الْوَفَاءِ.

تمام تعریفیں اللہ کے لیے ہیں جس نے عمدگی اور مہارت کو کامیابی کی علامت بنایا اور ان کے ذریعے محنتی لوگوں کے درجات بلند کیے۔ میں گواہی دیتا ہوں کہ اللہ کے سوا کوئی معبودِ برحق نہیں، وہ یکتا ہے اور اس کا کوئی شریک نہیں؛ اس نے انسانوں کو اس لیے پیدا کیا تاکہ آزمائے کہ ان میں سے کون عمل کے اعتبار سے بہترین ہے۔ میں یہ بھی گواہی دیتا ہوں کہ ہمارے آقا اور نبی، محمد (صلی اللہ علیہ وآلہ وسلم) اس کے بندے اور رسول ہیں؛ آپؐ نے اپنی امت میں تعمیری عمل اور سخاوت کا جذبہ پیدا کیا۔ اللہ کی رحمتیں آپؐ پر اور آپؐ کے اہل خانہ پر نازل ہوں جو وفا شعار لوگ ہیں۔

حمد و صلوٰۃ کے بعد: اے اللہ کے بندو! اللہ سے ڈرو اور جان لو کہ انسان کو اس زمین پر محض تہذیب و تمدن کی تعمیر و ترقی کے لیے ہی خلیفہ (نائب) مقرر کیا گیا تھا۔ اسے عقل، صلاحیت اور ہنر اس لیے نہیں دیے گئے تھے کہ وہ محض اپنی ذات تک محدود رہے، بلکہ اس کا مقصدِ حیات پائیدار فوائد، مسلسل نیکی اور ایک لازوال ورثہ تخلیق کرنا تھا۔ یوں تعمیر و ترقی مومن کا مشن اور عمدگی و کمال اس کی پہچان بن گیا۔ اللہ تعالیٰ—جو پاک اور بلند و بالا ہے— نے سورہ ہود میں فرمایا ہے

هُوَ أَنشَأَكُم مِّنَ ٱلۡأَرۡضِ وَٱسۡتَعۡمَرَكُمۡ فِيہَا……………. وَقَالَ جَلَّ شَأْنُهُ…….. لِيَبۡلُوَكُمۡ أَيُّكُمۡ أَحۡسَنُ عَمَلاً۬‌ۚ

اسی نے تمہیں زمین سے بنایا اورتمہیں اس میں آباد کیا ……. اور اُس نے — بلند و بالا ہے اُس کی شان- نے سور الملک میں فرمایا…… تاکہ تمہیں آزمائيں کہ تم میں کس کے کام اچھے ہیں

Surah Hood – 61-Part & Surah Al Mulk – 2-Part

مومن محض ایک عارضی مسافر کی طرح زندگی گزار کر نہیں گزر جاتا، بلکہ وہ اپنے پیچھے ایک مفید اور مثبت اثر چھوڑتا ہے۔ وہ محبت و الفت پر مبنی گھر تعمیر کرتا ہے، ایسا علم دوسروں تک پہنچاتا ہے جو ان کے لیے کارآمد ہو، اپنے کام کو دیانتداری اور عمدگی کے ساتھ انجام دیتا ہے، اور اپنا وقت اور توانائیاں معاشرے کی تعمیر و استحکام کے لیے وقف کر دیتا ہے۔ لہٰذا، اللہ کے حضور اپنے بلند عزائم، اپنے کام میں باریک بینی و مہارت اور اپنی مفید خدمات کا عملی ثبوت پیش کریں۔ اپنے گھروں میں نیکی کے بیج بوئیں، اپنی کاوشوں میں کمال پیدا کریں، اپنی برادریوں کی تعمیر میں حصہ لیں، اور اپنے وقت اور محنت کو قوم کی تعمیر اور زندگی کے ارتقاء کے لیے بنیاد کا پتھر بنائیں۔ رسول اللہ (صلی اللہ علیہ وآلہ وسلم) نے فرمایا: "بلاشبہ اللہ اس بات کو پسند کرتا ہے کہ جب تم میں سے کوئی شخص کوئی کام کرے تو اسے مہارت اور عمدگی کے ساتھ انجام دے۔" جب یہ تصور روح میں رچ بس جاتا ہے تو ’دینے‘ کا عمل ایک ثقافت کی شکل اختیار کر لیتا ہے، پیداواری صلاحیت ایک قدر (value) بن جاتی ہے اور ذمہ داری کا احساس ایک مشترکہ اخلاقی اصول میں ڈھل جاتا ہے؛ نتیجتاً، کاوشیں پھلتی پھولتی ہیں، قوم خوشحال ہوتی ہے، اور معاشرہ اپنی انھی خوبیوں اور تعمیر و ترقی میں اپنے کردار کے ذریعے اپنی اقدار کا عملی نمونہ بن کر ابھرتا ہے۔

اے اللہ کے بندو! اللہ سے ڈرو؛ اپنے کردار کو روشنی کا ذریعہ، اپنی آگاہی کو بصیرت کا سرچشمہ اور اپنے اعمال کو ایک پائیدار ورثہ بناؤ۔ کیونکہ معاشرے اپنی اقدار کے ذریعے عروج پاتے ہیں، اپنی خوبیوں کی بدولت پھلتے پھولتے ہیں اور عوام کے لیے چھوڑے گئے فوائد کے ذریعے ایک لازوال ورثہ قائم کرتے ہیں۔ اپنی خدمات کا ایک حصہ اپنے وطن کے لیے وقف کرو اور اس بات کو یقینی بناؤ کہ تمہاری زندگیوں کا ایسا نقشِ پا باقی رہے جو تمہارے جانے کے بعد بھی طویل عرصے تک ثمر آور رہے۔

اے اللہ کے بندو، سورہ الزمر میں اللہ کے اس فرمان کو یاد رکھیں

قُلۡ يَـٰعِبَادِىَ ٱلَّذِينَ أَسۡرَفُواْ عَلَىٰٓ أَنفُسِهِمۡ لَا تَقۡنَطُواْ مِن رَّحۡمَةِ ٱللَّهِ‌ۚ إِنَّ ٱللَّهَ يَغۡفِرُ ٱلذُّنُوبَ جَمِيعًا‌ۚ إِنَّهُ ۥ هُوَ ٱلۡغَفُورُ ٱلرَّحِيمُ

کہہ دو اے میرے بندو جنہوں نے اپنی جانوں پر ظلم کیا ہے الله کی رحمت سے مایوس نہ ہو بے شک

الله سب گناہ بخش دے گا بے شک وہ بخشنے والا رحم والا ہے

Surah Az Zumr – 53