اگست ۱۴؛ یومِ آزادی: تجدیدِ عہدِ وفا

14 August is the Independence Day of Pakistan. Its a day of celebrations and jubilations. The Country was created on the basis of Two Nation Theory. Here it is discussed in details the pre and post independence situation of Pakistan vis a vis Ideology of Pakistan.

آج ۱۴ اگست ۲۰۲۳ عیسوی ہے: ہم پاکستانیوں کا ۷۷ واں یومِ آزادی۔ یہ اللہ سبحان تعالی کا احسان ہے کہ ہم ایک آزاد وطن کے باسی ہیں کیونکہ رسولِ کریم محمدﷺ نے فرمایا ہے کہ " تم میں سے جس نے صبح کی، اس حال میں کہ وہ اپنے گھر یا قوم میں امن سے ہو اور جسمانی لحاظ سے بالکل تندرست ہو اور دن بھر کی روزی اس کے پاس موجود ہو، تو گویا اسے پوری دنیا جمع کرکے دے دی گئی".[ ترمذی 2346] عزیزانِ وطن؛ ہمیں یہ آسانی، یہ فراوانی، یہ فضل و کرم، یہ احسان امتِ محمدﷺ ہونے کے ناطےہی ملی ہے۔ احسان کا بدلہ احسان ہی ہوتا ہے سو کیا ہم اس آزادی کا درست استعمال کر رہے ہیں؟ آج کا دن تجدید عہد کا دن ہے کہ ہم اپنی سرزمین کو اسلامی ریاست بامعنی ریاست مدینہ بنائیں۔ آئیے تجدید عہدِ وفا کریں کیونکہ اللہ سبحان تعالی جب کسی قوم پر مہربان ہوتا ہے تو انہیں اپنی زبوں حالی کا ادراک کرادیتا ہے۔

تجدیدِ عہدِ وفا - زوال کی داستانِ غم کیا تھی؟

سنہ ۱۸۶۷ عیسوی کو انگریز تاجروں نے اپنے ہندوستانی گماشتوں کی مدد سے ہندوستان کے دارالخلافہ دہلی پر قبضا کرلیا۔ اس وقت بہادر شاہ ظفر مغل بادشاہ تھے اور انکا ساتھ مسلمان قوم نے دیا تھا۔ انگریز حکمرانوں نے اس واقعہ کو غدر کا نام دیا تھا اور اس میں شامل مسلمانوں کو چن چن کر تختہ دار پر لٹکایا۔ سرسید احمد خان نے اس پر ایک کتاب لکھی جس کا عنوان ہے "اسباب بغاوتِ ہند"۔ اس کتاب میں صرف ایک جھلک پیش کی گئی۔ کمال دیکھیے کہ ایک غیر ملکی غاصب مسلح گروہ ہندوستان پر حملہ آور ہوتا ہے اور اپنی آزادی کے لیے لڑنے والوں کو غدار قرار دیتا ہے کیونکہ اس کی فوج میں شامل سپاہی بذاتِ خود ہندوستانی ہی تھے۔ ملکہ برطانیہ کے کارندوں نے اپنے ہندوستانی گماشتوں کی مدد سے پھر مسلمانوں کو غلامی کے طوق میں ایسا باندھا کہ آج تک ایک گروہ اس سحر سے باہر نہیں آسکا۔

سنہ ۱۸۵۷ عیسوی میں برصغیر پاک و ہند کے مسلمان برطانوی ایسٹ انڈیا کمپنی کے خلاف جنگ ہار گئے۔ تاجِ برطانیہ نے ہندوستانی تخت پر قبضہ کیا اور پھر منظم طریقے سے مسلمانوں کو اقتدار کی کرسی اور حقِ حکمرانی سے ہٹھانے کی پالیسی پر عمل کیا۔ کمپنی کے خلاف بغاوت میں حصہ لینے پر اگلی دو دہائیوں کے دوران ہزاروں مسلمانوں کو توپ کے سامنے رکھ کر قتل کر دیا گیا۔ مسلمان خاندانوں میں سے پوری سیاسی روح ختم کر دی گئی۔ کمپنی برطانوی راج بن گئی اور مسلمانوں میں اپنے لیے سازگار اشرافیہ کی پرورش کی۔

مغل خاندان کے دور میں مسلمانوں کی اکثریت تعلیم یافتہ تھی کیونکہ کسی بھی طرز اور نوع کی علمیت اور بزرگی کے اظہار کے لیے زبان فارسی، عربی اور اردو تھی۔ برطانوی راج نے مسلم حکمرانی اور نظام تعلیم کو ختم کر کے انگریزی کو سرکاری زبان کے طور پر متعارف کرایا۔ اس نے مسلمانوں طبقے کو مکمل طور پر ناخواندہ میں بدل دیا۔ راج نے ہندو اکثریتی آبادی کو ایک سیاسی قوت میں پروان چڑھایا۔ انڈین نیشنل کانگریس کی بنیاد سنہ 1885 میں ایک برطانوی سول سرونٹ ایلن آکٹیوین ہیوم، سی بی آئی سی ایس نے رکھی تھی۔ جس کا مقصد ہندوستان کے سیاسی اصول کو تبدیل کرنا تھا۔ اس کے ذریعے انگریزی زبان میں تعلیم یافتہ ہندوستانیوں کے درمیان سول اور سیاسی مکالمے کے لیے ایک پلیٹ فارم بنانا تھا۔

کانگریس پارٹی ہندوؤں کی اکثریت سے آباد تھی اور ان پر احسانات بھی ہونے لگے۔ مسلمانوں نے پہلے پیدا کیے گئے خوف کی وجہ سے سیاست میں حصہ لینے سے گریز کیا۔ دوسرا مسلمان مذہبی طبقے نے انگریزی زبان سیکھنے کے خلاف فتوی دے دیا۔ مسلمانوں کے ذہین لوگ خول میں چلے گئے کہ انہیں صرف بقا کی یہی امید نظر آئی تھی۔ تاہم،کچھ وقت گذرنے کے بعد چند مسلمانوں نے مسلم روحوں کو زندہ کرنے کا سوچا اور پھر سرسید کی علی گڑھ تحریک نے مسلمانوں میں ایک جان ڈال دی اور سنہ 1906 میں مسلم لیگ کی بنیاد رکھی گئی جو بنیادی طور پر مسلمانوں کے لیے عمومی خیر خواہی کے حصول پر مرکوز تھی۔ مگر یہ صرف ایک اشرافیہ مسلمانوں کا اجتماع تھا اور بہت کم عام مسلمان اس کے معاملات میں دلچسپی لیتے تھے۔ تاہم، علی گڑھ تحریک نے ایک قسم کی مسلم بیداری شروع کی جس کے نتیجے میں نوجوان انگریزی تعلیم حاصل کرنے لگے۔ اس کا یہ فائدہ ہوا کہ مسلمان اپنے حق میں انگریزی زبان میں رائے عامہ کو متاثر کرنے لگے۔ جس کا اثر ہندوستان کے علاوہ خود برطانیہ کی زمین پر بھی محسوس کیا جانے لگا۔

انگریزی تعلیم یافتہ مسلمانوں کے ایک مخصوص گروہ کو راج حکومت کے تحت ملازمتیں دی گئیں۔ یہ برطانوی نوکر بنیادی طور پر سیکولر، لبرل اور آقاؤں کے فرمانبردار تھے اور حکمرانوں کے سماجی انصاف اور عوامی انتظامیہ کا فلسفہ انکی گھٹی میں تھا۔ مسلمانوں کا یہ طبقہ، بعد از آزادی، پاکستان کے سول سرونٹس، عدلیہ، مسلح افواج اور دانشور طبقہ اس کا حصہ بنا۔ انہی افراد میں، ان ہی کے درمیان سے، علامہ محمد اقبال، مولانا محمد علی جوہر، چودھری رحمت علی، سردار عبدالرب نشتر، چودھری خلیق الزمان، بہادر یار جنگ، عنایت اللہ خاں مشرقی، شیر بنگال مولوی فضلِ حق اور قائد اعظم محمد علی جناح جیسے مشاہیر شامل تھے۔ دور غلامی میں انگریزی

تعلیمی نظام سے ابھرنے والے ان روشن ضمیر افراد نے مسلمانوں کے لیے آزادی کا سوچا۔

تجدیدِ عہدِ وفا - قراردادِ پاکستان کی طلب کیا تھی؟

محمد علی جناح سرزمینِ ہندوستان میں ایک روشن ستارہ بن کر ابھرے اور مسلمانوں نے انہیں اپنا نجات دہندہ سمجھ لیا۔ علامہ محمد اقبال نے مسلم لیگ کی صدارت محمد علی جناح کے سپرد کردی اور قوم کو بتایا کہ مسلمانوں کی الگ ریاست کا قیام، جناح ہی کی قیادت میں ممکن ہے۔

پاکستان کا قیام ایک نظریے کے تحت عمل میں آیا۔ نظریہ پاکستان کی حیثیت پاکستان کے وجود میں روح کی ہے۔ ہر تحریک کا ایک مفکر ہوتا ہے۔ قیامِ پاکستان کی جدوجہد میں فکر اقبال کی مرکزی حیثیت ہے۔ اقبال کا دسمبر 1930ء کاخطبہء الہ آباد ہماری تحریکِ آزادی کا میگناکارٹا ہے۔

“ ہندوستان کے مسلمان اسلام کی روح سے اپنی وابستگی برقرار رکھیں گے۔ وہ اسلام کو ایک ایسی زندہ قوت سمجھتے ہیں جس کے مستقبل سے وہ قطعاً مایوس نہیں بلکہ وہ اسے ایک ایسی تقدیر کی حیثیت سے دیکھتے ہیں جس کا فیصلہ کوئی دوسری تقدیر نہیں کر سکتی۔۔۔

اسلام اب بھی ایک زندہ قوت ہے جو انسان کے تصور کو جغرافیائی حدود سے آزاد کرا سکتی ہے۔۔۔۔ اسلام، انسان کی وحدت کو، مادے اور روح کی، متضاد دوئی میں تقسیم نہیں کرتا۔ اسلام میں خدا اور کائنات، روح اور مادہ، کلیسا اور ریاست، ایک کل کے مختلف اجزاء ہیں۔۔ دنیائے اسلام میں ایک عالم گیر نظام ریاست موجود ہے جس کے بنیادی نکات وحی و تنزیل کا نتیجہ اور ثمرہ ہیں۔

لیکن ہمارے فقہا جدید دنیا سے بے تعلق رہے ہیں، اس لیے موجودہ زمانے میں انھیں از سر نو مرتب کرکے مستحکم کرنے کی ضرورت ہے۔۔۔ اگر ملت اسلامیہ نے اسلام کے دیئے گئے عالمگیر نظامِ ریاست و سیاست کی تشکیل نو کرنی ہے تو اس کے لیے سب سے مناسب ترین خطہ ہندوستان ہے۔ کیونکہ ہندوستان ہی وہ ملک ہے جہاں اسلام ایک بہترین انسانیت ساز قوت کی حیثیت سے ظہورپذیر ہوا ہے۔ حقیقت میں یہ کہنا کوئی مبالغہ نہیں ہے کہ دنیا بھر میں شاید ہندوستان ہی ایک ایسا ملک ہے جہاں اسلام ایک بہترین مردم ساز قوت کی حیثیت سے جلوہ گر ہوا ہے۔۔۔ مسلمان اگر اسلام کو بطور ایک تمدنی قوت کے زندہ رکھنا چاہتے ہیں تو وہ کسی بھی وقتی یا محدود مفاد کو حاصل کرنے کے لیے اپنے اجتماعی اہداف کی قربانی دینے کی بجائے ہندوستان کے کسی ایک مخصوص علاقے میں اپنی حکومت بنائیں۔۔۔ میں ہندوستان اور اسلام کی فلاح و بہبود کے لیے ایک متحدہ مسلم ریاست کے قیام کا مطالبہ کررہا ہوں۔۔۔اسلام کے لیے ایک مواقع فراہم کرے گا کہ وہ ان اثرات سے آزاد ہوجائے جو عربی شہنشاہیت نے اس پر ڈال دیے تھے اور اپنے قوانین، اپنی تعلیم اور اپنی ثقافت کو حرکت میں لاکر ان کی اصل روح اور عصر جدید کی روح سے رابطہ قائم کرسکے"۔۔۔

قائداعظم محمد علی جناح نے قیام پاکستان کی جدوجہد بڑی جانفششانی اور تدبر سی کی۔ انکی طویل جدوجہد سے کچھ افکار کا مختصر مطالعہ کرتے ہیں کہ وہ کس مقصد کے حصول کے لئے تگ و دو کررہے تھے-

یکم جنوری 1938ء کو گیا [ بہار] کے مسلمانوں کی طرف سے دیئے گئے استقبالیے میں خطاب کرتے ہوئے فرمایا کہ

"مسلم لیگ کو اسلام سے الگ نہیں کیا جا سکتا۔ لیکن اس کا یہ مطلب ہرگز نہیں کہ ہم سیاست میں مذہب کو داخل کر رہے ہیں۔ بلکہ اسلام (Complete Code of Life)تو مکمل ضابطہ حیات ہے۔

یہ صرف مذہب نہیں بلکہ قانون، فلسفہ اور سیاست بھی ہے۔ اسلام ہر اس تفصیل پر مشتمل ہے جو ہماری شب و روز کی زندگی سے متعلق ہے۔ جب ہم اسلام کہتے ہیں تو اس سے ہماری مراد یہی کُل اسلام ہے۔

(Fraternity) (Equality) (Liberty) ... اسلامی نظام حیات کی اساس آزادی، مساوات اور اخوت ہے"

یکم فروری 1943ء کو اسماعیل کالج بمبئی کے طلباء خطاب کرتے ہوئے فرمایا کہ

’’اسلام مسلمانوں کی زندگی بشمول سماجی و معاشرتی، ثقافتی، سیاسی اور معاشی پہلووں کے لیے رہنمائی فراہم کرتا ہے۔ پاکستان کی صورت میں ہم ایک ایسی ریاست قائم کریں گے جو اسلام کے اصولوں کے مطابق چلائی جائے گی۔ اس کے ثقافتی، سیاسی اور اقتصادی نظام کی بنیاد اسلام کے اصولوں پر رکھی جائے گی۔"

اگست ۱۱، 1947 کو قائد اعظم نے فرمایا

" اگر ہمیں پاکستان کی اس عظیم الشان ریاست کو خوشحال بنانا ہے تو ہمیں اپنی تمام تر توجہ لوگوں کی فلاح و بہبود کی جانب مبذول کرنا چاہیے۔خصوصاً عوام اور غریب لوگوں کی جانب اگر آپ نے تعاون اور اشتراک کے جذبے سے کام کیا تو تھوڑے ہی عرصہ میں اکثریت اوراقلیت ، صوبہ پرستی اور فرقہ بنددی اور دوسرے تعصبات کی زنجیریں ٹوٹ جائیں گی۔۔۔

ہماری ریاست کسی تمیز کے بغیر قائم ہو رہی ہے یہاں ایک فرقے یا دوسرے فرقہ میں کوئی تمیز نا ہوگی ہم اس بنیادی اصول کے تحت کام شروع کر رہے ہیں کہ ہم ایک ریاست کے باشندے اور مساوی باشندے ہیں ۔ آپ آزاد ہے آپ اس لئے آزاد ہیں کہ اپنے مندروں میں جائیں آپ آزاد ہیں کہ اپنی مسجدوں میں جائیں یا پاکستان کی حدود میں اپنی کسی عبادتگاہ میں جائیں آپ کا تعلق کسی مذہب کسی عقیدے یا کسی ذات سے ہو اس کا مملکت کے مسائل سے کوئی تعلق نہیں میرا خیال ہے کہ ہمیں یہ بات بطور نصب العین اپنے سامنے رکھنی چاہیے اور آپ یہ دیکھیں گے کہ وقت گزرنے کے ساتھ ساتھ ہندو ہندو نہ رہے گااور مسلمان مسلمان نہ رہے گا مذہبی مفہوم میں نہیں کیوں کہ یہ ہر شخص کا ذاتی عقیدہ ہے بلکہ سیاسی مفہوم میں اس مملکت میں اس مملکت کے ایک شہری کی حیثیت سے"۔۔۔

تجدیدِ عہدِ وفا - اسلامی ریاست کے قیام کا عہد

اے میری قوم کے لوگو؛ کیا ہم نے اللہ سے مدد نہیں مانگی تھی کہ ہمیں آزادی دے تو ہم معبودِ حق ہی عبادت کریں گے اور آقائے دوجہان محمد صلی اللہ علیہ والہ وسلم کی اتباع کریں گے؟ کیا ہم نے نعرہ بلند نہیں کیا تھا " پاکستان کا مطلب کیا ؛ لاالہ الا اللہ"۔ اس نعرہ کو تخلیق کیا تھا ایک نوجوان اصغر سودائی [ بعد از پروفیسر پرنسپل علامہ اقبال کالج، سیالکوٹ ] نے جو اکثر مسلم لیگ کے جلسوں میں کوئی نظم پیش کیا کرتے تھے. پیش کیا کرتے تھے۔ 1944 عیسوی کو مسلم لیگ کے جلسے میں انہوں نے "ترانہ پاکستان" پڑھا